Joulu

Oli Tapanin päivä saima veljesten kans lähteä Ruothiin sukulaissiinn kylhään.
Ruottin raitila paloit katuvalot ja meilä Suomessa ei ollu sähköäkhään.
Olin joulupukilta saanu potkurin aattona.Näin sen ennemin vilhaukselta,ko äiti traakasi sitä pimeän väihkässä Ruottin kaupasta.Me kläpit emmä saahneet panna lamphuun valkeata,vaikka oli hämärää.Kattoima vain jäisestä klasista ulos,koska äiti tullee.
Kyläpaikassa oli komea joulukuusi,siinä ei ollu latvatähteä,niinkö meilä.Siinoli kiiltävä värikäs kaunis torni.Ja oksila riippu pengaalitikkuja.En ollu niitä nähny koskaan.
Ruokaa tarjothiin vaikka mistä sortista.Ja pöyvälä oli tarjola ruukkurusinoita,taatelia ja viikunoita.Olippa makkeita.
Me Suomen lapset olima vasta omenia saahnee maistaa vähän ennemin.
Ruottin-täti kyseli onko meilä lämpimiä vaatheita kaikila ja anto pikkusiskolekki turkin.
Kaikista on jääny hyvät muistot.Kiitos että saima kasvaa Länsi-Rajala.